DIPR No.3121/2020-2020
Aizawl the 15th July 2020 : Khawvel hmasawnna thang zel avangin Aizawl khawpui pawh mipui veivak leh lirthei tan a chep ta hle a, lirthei leh mihring che vel enkawlna kawnga Aizawl khawpui tihhmasawnna turin Aizawl Smart City Ltd., leh Aizawl City Traffic Police tangkawp chuan kawng hrang hrangin hma an la a ni.
Mipui kea kalte leh lirthei khalhtuten him leh mumal taka kawng an hman theihna turin Aizawl Smart City Ltd. chuan Aizawl khawpui hmun sawm (10) laiah traffic light hmanga kawng kanna (Pelican Crossing System) chu a lo bun fel ta a. Hei hian traffic enkawlna kawngah nasa taka a puih ngei beisei a ni. Lirthei khalhtu leh kawnga kal mipuite’n himna tur a ni tih hria a, mahni remchan dan leh duhna lai atanga kawng kan mai lovin, heng Pelican Crossing awmna hmun bikah te hian a bula Traffic Duty te kaihhruainaa kawng kan thin turin Mizoram Police chuan mipui te an ngen a ni.
Mipui veivak kawng kan turte’n him taka kawng an kan theihna turin Zebra Crossing pawh hmun hrang hrangah siam niin Traffic Police Duty-te thu ngaichang chung zela hmang tangkai turin mipuite an ngen bawk a. Lirthei khalhtute pawhin Zebra Crossing-a kawng kan mek an awm a nih chuan lirthei tihdin tur a ni. Traffic jam lai pawhin Zebra Crossing ah hian lirhtei din phal a ni lova, zuah awl reng tur a ni.
Deputy Chief Minister Pu Tawnluia chuan July 17, 2020-ah Pelican Crossing System hi hawngin, mipui hnenah a hlan dawn a. Mipui hnena hlan a nih hnuah Pelican Crossing System awmna hmunah chuan mipui kawng kan dan leh lirthei chetvel dan chu traffic lights (Red, Green) hmangin Traffic Police- ten an kaihruai tawh dawn a ni.
PROGRAMME
Venue : Conference Hall,
Assembly Annexe.
Date : 17th July, 2020
Chief Guest : Pu Tawnluia,
Hon’ble Deputy Chief Minister,
Government of Mizoram.
Guest of : Pu PC. Lalhmingthanga
Honour Mayor,
Aizawl Municipal Corporation.
Chairman : Dr. C. Vanlalramsanga
Secretary, UD&PA Department
Government of Mizoram.
***
Welcome Speech : Chairman.
Technical Report : Pu Lalrothanga,
Chief Executive Officer (CEO),
Aizawl Smart City Limited.
Speech : Pu LH. Shanliana,IPS
Inspector General of Police (L&O),
Home Department.
Video Clip : Aizawl Smart City Limited.
Speech : Guest of Honour.
Inaugural Speech : Chief Guest.
Vote of thanks : Deputy Commissioner, Aizawl.
