Vawiin ni 25^th June, 2019 (2:30 pm) hian Prime Minister Flagship Programme: (i) Atal Mission for Rejuvenation & Urban Transformation (AMRUT), (ii) Smart Cities Mission leh (iii) Prime Minister’s Awas Yojana – Housing For All (Urban) kum lina (4^th Aniversary) pualin Hon’ble Minister of State (Independent Charge) Shri Hardeep Singh Puri, Ministry of Housing & Urban Affairs chuan ram pum huapin Video Conference hmangin Press Conference a kova. Hemi hunah hian India ram khawpui hrang hrang pawh video conference hmangin an telve a, State tina mawhphurhna nei Urban Development Secretary te, Mission Director leh C.E.O (Smart Cities) te chu video conference ah hian Union Minister hi an telpui ani.

 He press conference ah hian Hon’ble Minister of State, Ministry of Housing & Urban Affairs chuan Prime Minister Flagship Programme hrang hrangten India ram khawpui hmasawnna a thlen dan sawiin, khawpui hrang hrangte pawh mipui hamthatna tur leh hmasawn zel tura tih tak zeta thawk chhunzawm turin a fuih a ni.

Mizoram state ah pawhhian AMRUT leh Smart Cities Mission bik atan Aizawl khawpui ah hmalak ani a. PMAY(U) erawh chu Mizoram chhunga urban towns 23 ah hma lak chhoh mek a ni.

ATAL MISSION FOR REJUVENATION AND URBAN TRANSFORMATION:

Atal Mission For Rejuvenation And Urban Transformation (AMRUT) hi June ni 25, 2015 khan Prime Minister zahawm takin Ministry of Urban Development (MoUD) hnuaia a hawn a ni. AMRUT in a tum ber chu khua leh tui ten an nitin mamawh tihchangtlun sak a ni. Aizawl khawpui tana AMRUT a allocation hmuh zat chu Rs 140.247 crores a nia. 90 percent central sawrkin tumin 10 percent State sawrkarin a tum vethung a ni. AMRUT hnuaia component te chu Water Supply, Setage Management, Drainage, urban Transport (Pedestrian foothpath) leh Green Park and space te anni.

India ram khawpui 500 te State hrang hranga AMRUT implement that dan indawt hi ranking siam a ni a. Tun dinhmunah hian India rama State leh UT zingah a ti tha pathuamna (3) Mizoram in kan hauh mek a ni.

A project ah hian reforms component a awm bawk a. Reforms hi inelnana hman a ni thin a, Mizoram chuan kum thum chhung chu azawnin he inelna ah hian hlawhtlinna lo changtawhin North East (Hmar – Chhak) State bikah phei chuan a zawna kum thum la dawng thei awmchhun kan ni. Tun kum ah pawh reforms inelna ah hian tel lehin, submit tawh a ni a. Evaluation result ah chuan incentive award la leh thei tura recommend kan ni tawh a. Final result hi nghah mek a ni.

PRIME MINISTER’S AWAS YOJANA – HOUSING FOR ALL (URBAN)

Housing for All (Urban) chu June, 2015 khan launched a ni a. Hetah hian Component 4 a awm a, chung te chu: (i) Slum Redevelopment; (ii) Affordable Housing in Partnership; (iii) In-situ Beneficiary-led construction (BLC) and; (iv) Credit Linked Subsidy Scheme (CLSS).

Mizoramah chuan vanneihthlak takin slum kan nei lo a, mahni puala in leh lo neilo tan hmalak a ni a. Chuvangin tun dinhmunah chuan “In-Situ Beneficiary-led Construction” (Beneficiary ram nei, in sakna nei lo hnena Rs. 1,50,000.00 hmanga insak tanpuina pek a ni a, hei bak hian Beneficiary in Rs. 50,000.00 a lo dolet ve tura beisei an ni) leh “Credit Linked Subsidy Scheme” (Bank kaltlanga Loan pek a, Interest Subsidy pek) te hi kan kalpui mek a ni.

He Scheme hian Mizoram chhunga Census Town 23 a huam a. BLC bikah hian Khawpui (Census Town) 23 tan Detailed Project Reports (DPRs) 31 leh Housing for All - Plan of Action (HFAPoA) 23 te siam tawh niin Central Ministry pawhin min pawmpui tawh a. Heng Khawpui 23 ah hian Demand Survey te neiin In 29,361sak tura rauhmanna siam a ni a. Chumi atan chuan Project Cost ah Rs. 587.22 Crore dah a ni. Tun dinhmunah hian mi 1,860 hnenah Insak tanpuina hi pek tawh a ni a. Chung zinga 145 te chuan an sa zo tawh nghe nghe.

CLSS (Housing Loan) hi Khawpui 23 huam vekin, kumtin June thlaah dilna hun hawn thin a ni a. Heng dilna lo lut te hi validate a nih hnuah Bank-ah thawnchhuah a ni a. Bank lamin anmahni criteria zulzuia an lo check hnuah, Eligible te chu Loan an lo pe thin a ni. Tunah hian Mizoram pumah mi 660 hnenah CLSS (Housing Loan) pekchhuah tawh a ni. Review hnuhnung berah khan North East State chhunga States zingah diltu atanga tehin pechhuak hnem ber State kan ni.

SMART CITIES MISSION

Sorkar laipuiin India ramah Smart City 100 din turin ruahmanna a siam a. Ni 25^th June, 2015 khan he Smart Cities Mission hi launched a ni a. Mizoram State tan Aizawl khawpui hi Smart City Challenge a telturin a tling a. Aizawl khawpui hi he inelna ah hian 3^rd Round Selection of Smart Cities Challenge ah 25^th June, 2017 khan Smart City tura thlan tlin a ni.

 Smart City mission kalpui tur hian Smart City guidelines in a phut angin Special Purpose Vehicle, Aizawl Smart City Limited (ASCL) din fel ani tawh a. ASCL hi Smart City Mission guideline angin ASCL hi company act hnuaiah company a registration tih fel a ni tawh a. Guidelines in Board din tura structure a duan angin ASCL Board hi Secretary, UD&PA Department kaihhruaina hnuaiah Board of Directors Government of India nominee te; Aizawl City Mayor te;  Commissioner, AMC te, Director UD&PA te leh CEO ASCL te member niin din a ni bawk. ASCL hi Companies Act 2013 hnuaiah registration March, 2018 thla khan a nei fel a. ASCL hian Smart City Mission chak takin a bawhzui mek zel ani.  

He scheme ah hian strategy 4 (pali) a guidelines hian a siamna in, Aizawl khawpui tan chuan ABD-retrofitting (khawpuichhe lai thawm that) leh pan-city (IT Solutions) strategy hi kalpui a ni.

Project Management Consultant ah hian Central Sawrkar empnalled atangin WAPCOS Pvt. Ltd hi ni 12^th February, 2019 khan contract pek an ni tawh bawk a. Aizawl Smart City Ltd Office ah key experts hrang hrangte Team Leader hovin an awm tawh bawk a ni.